Молитва (вариант 2)
О, Пресвятая Дево, Всеблагого Сына Мати Всеблагая, града сего Покровительнице, всех сущих во гресех, скорбех, бедах и болезнех верная Предстательнице и Заступнице! Приими молебное пение сие от нас, недостойных рабов Твоих, Тебе возносимое, и якоже древле грешника, на всяк день многажды пред честною иконою Твоею молившагося, не презрела еси, но даровала еси ему нечаянную радость покаяния и преклонила еси Сына Твоего многим и усердным к нему ходатайством ко прощению сего грешнаго и заблудшагося, тако и ныне не презри моления нас, недостойных рабов Твоих, и умоли Сына Твоего и Бога нашего, да и всем нам с верою и умилением покланяющимся пред цельбоносным образом Твоим, дарует нечаянную по коегождо потребе радость: пастырем церковным – святую ревность о спасении пасомых; грешником, погрязшим во глубине зол и страстей, – вседейственное вразумление, покаяние и спасение; сущим в скорбех и печалех – утешение; обретающимся в бедах и озлоблениях – совершенное сих избытие; малодушным и ненадежным – надежду и терпение; в радости и довольстве живущим – непрестанное Благодетелю Богу благодарение; бедствующим – милосердие; сущим в болезни и долгонедужии и оставленным врачами – нечаянное исцеление и укрепление; иждившим от недуга ум – ума возвращение и обновление; отходящим в вечную и нескончаемую жизнь – память смертную, умиление и сокрушение о гресех, дух бодр и твердую на милосердие Божие надежду. О, Госпоже Пресвятая! Умилосердися ко всем, чтущим Всечестное имя Твое, и всем яви всемощный покров Твой и заступление; во благочестии, чистоте и честнем жительстве пребывающия до последняго их скончания во благости соблюди; злыя благи сотвори; заблудшия на путь правый настави; всякому делу благому и Сыну Твоему угодному споспешествуй; всякое дело злое и богопротивное разруши; в недоумении и трудных и опасных обстояниих обретающимся незримую помощь и вразумление с небесе низпосли; от искушений, соблазнов и погибели спаси; от всех злых человек и от врагов видимых и невидимых защити и сохрани; плавающим сплавай; путешествующим спутешествуй; сущим в нужде и гладе буди Питательница, неимущим крова и пристанища буди Покров и Прибежище; нагим подаждь одеяние; обидимым и от неправд страждущим – заступление; клевету, поношение и хуление терпящия незримо оправдай; клеветники и хулители пред всеми обличи; ожесточенно враждующим нечаемо подаждь примирение, и всем нам – друг ко другу любовь, мир и благочестие и здравие с долгоденствием. Супружества в любви и единомыслии сохрани; супруги, во вражде и разделении сущия, умири, соедини друг ко другу и положи им союз любве неразрушимый; матерем, дети родящим, скорое подаждь разрешение; младенцы воспитай, юныя уцеломудри, отверзи ум к восприятию всякаго полезнаго учения, страху Божию, воздержанию и трудолюбию настави; от домашния брани и вражды единокровных миром и любовию огради. Безматерних сирот буди Матерь, от всякаго порока и скверны отврати я и всему благому и богоугодному научи; прельщенныя же и во грех и нечистоту впадшия, скверну греха отъявши, из бездны погибели изведи. Вдов буди Утешительница и Помощница, старости буди жезл. От внезапныя смерти без покаяния всех нас избави, и всем нам христианскую кончину живота нашего, безболезненну, непостыдну, мирну и добрый ответ на страшном судищи Христове даруй. Преставльшияся в вере и покаянии от жития сего со ангелы и всеми святыми жити сотвори; скончавшимся внезапною смертию милостива быти Сына Твоего умоли и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница и Ходатаица; да вси на небеси и на земли ведят Тя, яко твердую и непостыдную Предстательницу рода христианскаго, славят Тя и Тобою Сына Твоего со Безначальным Его Отцем и Единосущным Его Духом ныне и присно и во веки веков. Аминь.
Молитва (вариант 3)
Пресвятая Владычице моя Богородице, святыми Твоими и всесильными мольбами отжени от мене, смиренного и окаянного раба Твоего, уныние, забвение, неразумение, нерадение и все скверныя, лукавыя и хульныя помышления от окаяннаго моего сердца и от помрачненнаго ума моего; и погаси пламень страстей моих, яко нищ есмь и окаянен; и избави мя от многих и лютых воспоминаний и предприятий, и от всех действ злых освободи мя. Яко благословен от всех родов, и славится пречестное имя Твое во веки веков. Аминь.
Величание (самогласен)
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.
Икона Божией Матери "Скоропослушница"
Первообраз этой чудотворной иконы Божией Матери хранится в соборе монастыря Дохиар на горе Афон. Он был создан еще во времена основания монастыря. Неприметную икону поместили в небольшой нише возле входа в трапезную. Каждый вечер мимо образа проходил трапезарь по имени Нил. Он нес зажженную лучину, копоть от которой попадала на лик Богородицы. Однажды вечером, когда монах проносил мимо иконы зажженную лучину, он вдруг услышал голос, который просил его не коптить образ. Нила охватил неописуемый ужас, но, придя в себя, он решил, что кто-то из монашеской братии подшутил над ним. Он ничего не сказал инокам и продолжал свою обычную жизнь. Вскоре икона заговорила во второй раз, но трапезарь снова ничего не понял, и его настигло наказание Матери Божией: монах ослеп. Только после этого он осознал, чей голос слышал, что Богородица действительно просила его не коптить Своего образа.
Несчастный трапезарь упал на колени перед иконой и стал усердно молиться Приснодеве о помиловании. Он простоял так до рассвета, а утром ослепшего монаха обнаружила братия. Когда Нил рассказал о случившемся, монахи решили оказать чудотворному образу всяческие почести. Перед иконой они зажгли неугасимую лампаду и постоянно окуривали образ фимиамом.
Безутешный Нил страдал вдвойне – не только от слепоты, но более того от немилости Матери Божией. Дни и ночи напролет он молился перед иконой, умоляя Богородицу простить его. Через несколько дней его молитвы были услышаны. Богородица смилостивилась над монахом и вернула ему зрение. Но кроме того, Она обещала покровительствовать обители и помогать страждущим. А икону Свою Матерь Божия повелела назвать "Скоропослушница", так как молитвы перед ней Пресвятой Богородицей услышаны бывают в первую очередь.
Весть о чудесном обретении образа Божией Матери разнеслась далеко за пределы монастыря. К чудотворной иконе устремился поток паломников, немощных и страждущих. Монахи выстроили для иконы часовню, в которой постоянно горела лампада и совершались богослужения и молебны.
Множество чудесных исцелений произошло с теми, кто молился перед образом "Скоропослушница". Особенно хорошо помогает она при заболеваниях глаз и слепоте, а также возвращает людей из вражеского плена.
День празднования иконы Божией Матери "Скоропослушница" – 22 ноября (9 ноября по старому стилю).
Тропарь (глас 4-й)
К Богородице притецем сущии в бедах, и святей иконе Ея ныне припадем, с верою зовуще из глубины души: скоро наше услыши моление, Дево, яко Скоропослушница нарекшаяся, Тебе бо ради раби Твои в нужду готовую помощницу имамы.
Кондак (глас 8-й)
В мори житейстем обуреваемии, треволнению подпадаем страстей и искушений. Подаждь убо нам, Госпоже, руку помощи, якоже Петрови Сын Твой, и ускори от бед избавити ны, да зовем Ти: радуйся, всеблагая Скоропослушнице.